Bagong Parish Hall, Binasbasan sa Parokya ng Suba, Majayjay

SUBA, MAJAYJAY | Makalipas ang ilang buwan magmula nang sinimulan ni Rev. Fr. Atty. Manuel Manggao at ng mga parokyano ng Nuestra Señora Del Pilar ang pagbuo sa bagong Parish Office at Parish Hall ay sa wakas sa mismong kapistahan ng Mahal na Birheng Del Pilar, Oktubre 12, ay opisyal na itong binuksan sa publiko. 

‍

‍

Sa pangunguna ni Msgr. Jerry Bitoon kaisa rin ang iba pang kaparian na dumalo sa blessing at kapistahan ng parokya ay nabasbasan na ang bagong parish building. Matapos ng blessing ay agad din namang tumuloy sa banal na misa na siya namang pinangunahan ni Bishop Emeritus Leo M. Drona S.D.B at ni Rev. Fr. Paul Bugay. 

Lubos din ang pasasalamat ng mga parokyano ng Nuestra Señora Del Pilar sa Brgy. Suba Majayjay, Laguna sa lahat ng tumulong,sumuporta at nanalangin upang maging matagumpay ang pagbubuo ng Parish Building gayundin ang pasasalamat ng pamunuan ng Parokya sa Samahang Pilares 2024 sa pangunguna ng pamilya Consunto na matagumpay na nairaos ang kapistahan ng Mahal na Birheng Del Pilar. 

‍