PANALANGIN NG PASASALAMAT
PARA SA BIYAYA NG BAGONG OBISPO

Ama naming makapangyarihan,
ikaw ang pastol na lumilingap sa tanan.
Patuloy mong ipinamamalas
sa amin ang iyong kabutihan
sa patuloy mong paghirang
ng mga pastol na aakay sa iyong kawan.
Nagpapasalamat kami sa iyo
sa paghirang kay Obispo Marcelino Antonio
bilang aming bagong obispo at tagapanguna.
Ang pagsusugo mo sa kanya bilang aming pastol
ay tanda ng iyong walang sawang
pagsubaybay sa amin.
‍
Ipinapanalangin namin si Obispo Marcelino Antonio,
patuloy mo siyang pagkalooban
ng pusong katulad ng sa iyo upang
lagi siyang handang makapaglingkod
at magmahal sa iyong
kawan ng walanghinihinging kapalit.
‍
Ipinapanalangin din namin ang aming mga kaparian
na katuwang ng aming obispo sa paglilingkod.
Pagkalooban mo rin sila ng pusong masunurin
at maamo upang sila ay maging mga mabuting
katuwang at kamanggagawa ng obispo
sa pagtataguyod ng kabutihan ng iyong bayan.
Patuloy kaming sumasamo sa iyo,
kaming iyong mga anak, dito sa
Diyosesis ng San Pablo,
na sa aming paghihintay sa pagdating
ng aming punong taga-akayat tagapanguna,
maihanda namin ng ganap ang aming puso sa pagtanggap sa kanyangpagpapastol ng may buong kapakumbabaan
at kababaang-loob.
‍
Isinasamo namin ang lahat ng mga ito sa iyo,
upang ng sa gayon ay patuloy namamalas
ang iyong kabutihan at paghahari dito sa lupa.
Ang lahat ng ito ay aming hinihiling
sa pamamagitan ni Hesukristo
kasama ng EspirituSanto
magpasawalang hanggan.
Amen
‍
Mahal na Birhen ng Turumba, ipanalangin mo kami.
San Pablo Unang Emritanyo, ipanalangin mo kami.
San Pedro Bautista, ipanalangin mo kami.